ऊर्जा जलस्रोत तथा सिचाईं मन्त्री दिपक खड्काले १२ वर्षमा के-के काम गरियो भन्दै माओवादी नेतृत्वलाई प्रश्न गरेका छन्।
स्वतन्त्र ऊर्जा उत्पादकहरूको साधारणसभामा उनले यस्तो प्रश्न गरेका हुन्।
त्यसअघि पूर्व ऊर्जामन्त्री जनार्दन शर्माले मन्त्री खड्कालाई किन समयमा विद्युत खरिद सम्झौता नगरिएको, लाइसेन्स कब्जा गर्ने प्रवृत्ति नरोकिएको तथा ऊर्जा विकासमा सरकारको नियत ठिक नदेखिएको भन्दै प्रश्न गरेका थिए।
त्यसबखत मन्त्री खड्का फोनमा ब्यस्त देखिएपछि शर्मा झर्किएका थिए। उनले मन्त्री खड्कालाई फोन टेबलमा राखेर आफ्नो कुरा सुन्न आग्रह गरेका थिए।
जवाफका क्रममा मन्त्री खड्काले भने–मेरा पनि प्रश्न छन् १२/१२ वर्ष यो मन्त्रालय चलाउँदा तपाईहरूले के गर्नु भयो?
विगत देखिनै रोकिएका काम अहिले अघि बढेको खड्काले बताए। ऊर्जा विकासको मार्गदर्शन बनाएर सरकारले काम गरिरहेको उनको भनाइ छ।
आगामी १० वर्षमा थप २५ हजार मेगावाट विद्युत उत्पादन गर्नेगरी काम गरिएको उनले बताए।
वन तथा वातवरण मन्त्री ऐनबहादुर शाहीले ऊर्जा उत्पादनको क्रममा वातवरणीय प्रभाव मूल्यांकनको प्रक्रियलाई समयमा टुंग्याएर सहयोग पुर्याएको दाबी गरे। उनले आगामी दिनमा वातवरणीइ प्रभावका विवरणहरूको हरेक १५ दिनमा मन्त्रालयको वेवसाइटमा राखिने प्रतिवद्धता गरे।
मन्त्री शाहीले वन मन्त्रालयलाई विकास विरोधी मन्त्रालयको रूपमा आलोचना गरिए पनि यथार्थमा त्यस्तो नरेहेको प्रतिक्रिया दिए। पछिल्लो एक वर्षमा नियमसंवत एक लाख रूख कटानको लागि मन्त्रालयले स्वीकृति दिएको बताए। कामलाई सहज बनाउन अझै प्रक्रिया सरल बनाउने काममा मन्त्रालय रहेको उनको भनाई छ।
-copy-1745411477.jpg)
-1746009348.jpg)
