अर्थमन्त्रायले जलवायु वित्त परिचालन सम्बन्धी मस्याैदा तयार गरेको छ।
जलवायु परिवर्तनबाट सिर्जित समस्याको समाधान गर्नेर अन्तर्राष्ट्रिय सहयोग प्रभावकारीरूपमा परिचालन गर्ने गरी यो कार्यविधिको तयारी गरिएको उल्लेख छ।
अर्थले तयार पारेको कार्यविधिलाई अन्तिम रूप दिनको लागि सरोकारवालासँग सुझाव माग गरिएको छ।
मन्त्रालयले सुझावका लागि भदौ १० गतेसम्मको समय दिएको छ।
वैदेशिक सहायता समन्वय महाशाखाले तयार पारेको मस्यौदामा हानी नोक्सानी बापतको सम्बोधन, जलवायु अनुकूलन, उत्सर्जन न्यूनीकरण र कार्बन व्यापारको क्षेत्रलाई प्रमुख प्राथमिकतामा राखिएको अर्थले जनाएको छ।
जलवायु परिवर्तनको असरको सामना गर्न थप स्रोतको आवश्यकता बढ़दै गएको तर आन्तरिक स्रोतले मात्र धान्न नसकिने भएकाले बाह्य स्रोतको खोजी र पहुँच अभिवृद्धिका लागि नयाँ अवधारणा अगाडि सारिएको उल्लेख गरिएको छ।
जलवायु परिवर्तनमा नेपालको खासै योगदान नभए पनि पानीका मुहान सुक्दै जाने, हिमाली क्षेत्रमा बाढीपहिरो, हिमाल काला पहाडमा परिणत, पानी पर्ने चक्रमा परिवर्तन लगायत समस्या देखिएका कारण त्यससँग जुध्न भन्दै मन्त्रालयले कार्यविधि बनाउन लागेको हो।
-1754812957.jpeg)
-1746009348.jpg)
