चौधरी समूहअन्तर्गतका संस्थाले सरकारलाई गत आर्थिक वर्ष २०८१/८२ मा २५ अर्ब ५९ करोड रूपैयाँ कर बुझाएको छ।
यो रकम सरकारले पाएको कुल राजस्वको २.३५ प्रतिशत हो। सरकाले सो वर्ष १० खर्ब १९ अर्ब राजस्व संकलन गरेको थियो।
हालै काठमाडौंमा भएको एक कार्यक्रममा अर्थमन्त्री रामेश्वर खनालले पनि चौधरी समूहको यस्तो योगदानको चर्चा गरेका छन्।
खनालले चौधरी समूहको नाम नलिइ भने, ‘एउटै व्यवसायिक घरानाले कुल राजस्वमा २.३५ प्रतिशतसम्म योग्दान गरेको छ।’
यस्तै व्यवसायिक घरानाहरूको योगदानको कारण लामो समयदेखि हामी दक्षिण एसियामा कुल गार्हस्थ्य उत्पादनको २५ प्रतिशतसम्म राजस्व संकलन गर्ने मुलुकमा पर्दै आएको उनले बताए।
अर्थमन्त्री खनालले आफूहरूको प्रसंशा गरेको भन्दै चौधरी समूहका प्रबन्ध निर्देशक निर्वाण चौधरीले आभार व्यक्त गरेका छन्।
उनले चुनौतिबीच पनि देशको ढुकुटी मजबुत बनाउन पाउँदा गर्व लागेको उल्लेख गरेका छन्।
गत भदौ २५ को तोडफोडमा चौधरी समूहका उद्योग तथा व्यक्तिगत निवासमा समेत क्षति पुगेको थियो।
-1746009348.jpg)
