हालै फोर जी सेवा सुरु गरेको स्मार्ट टेलिकमले पोखराको न्युरोड स्थित अरविन्द कम्प्लेक्समा आफ्नो आधिकारिक स्मार्ट सेन्टरको प्रारम्भ गरेको छ।
उक्त स्मार्ट सेन्टरबाट उपभोक्तालाई प्रभावकारी सेवा उपलब्ध हुने तथा स्मार्टका उत्पादन तथा सेवाहरुको जानकारी सहजै प्राप्त हुने कुरा स्मार्ट टेलिकमले उल्लेख गरेको छ।
सेन्टरबाट पोखरा तथा आसपासका ग्राहकहरुका सम्पूर्ण आवश्यकता एवं जिज्ञाशाहरुलाई सहज एवं सुलभ तरिकाबाट समाधान गरिने बताइएको छ।
स्मार्ट सेलको नयाँ सेन्टरको उद्घाटन कम्पनीका प्रमुख वाणिज्य अधिकृत राजीव कुमारले गरेका थिए।
यस अघि स्मार्ट सेलले कुमारी पाटी, पुतलीसडक तथा भक्तपुरमा पनि आफ्नो सेन्टरको स्थापना गरि सकेको र आगामी दिनमा नेपालका अन्य प्रमुख सहरहरुमा पनि स्मार्ट सेन्टर स्थापना गर्ने कम्पनीले जनाएको छ।
