नेपालको पहिलो र अग्रणी भुक्तानी सेवा प्रदायक इसेवाले इसेवा केयरको सफलतासँगै इसेवा लाइफ केयर योजना सार्वजनिक गरेको छ।
यसअघि दुर्घटना तथा बिरामी पर्दाको अवस्थालाई मध्यनजर गर्दै सार्वजनिक गरिएको इसेवा केयरलाई ग्राहकले मन पराएपछि अहिले जीवन बीमा हुने गरी इसेवा लाइफ केयर योजना सार्वजनिक गरिएको हो।
इसेवा लाइफ केयर एक टर्म लाइफ जीवन बीमा प्याकेज हो, जसले ५ लाख ३० हजारसम्मको जीवन बीमाको ग्यारेन्टी गर्दछ। यो जीवन बीमा योजना सन लाइफ इन्स्योरेन्स र हिमालयन एभरेष्ट इन्स्योरेन्ससँगको सहकार्यमा सञ्चालन गरिएको हो।
यस योजनामा इसेवा केयरमा जस्तै विभिन्न स्वास्थ्यसम्बन्धी सेवाहरूमा अफर तथा छुटहरू समेत समावेश गरिएको छ। यस योजनामा वार्षिक ७ सय रूपैयाँदेखि सुरुवाती मूल्यमा ५ लाख ३० हजार रूपैयाँको लाइफ केयर प्रदान गर्ने कम्पनीको भनाइ छ।
यस योजनाले सस्तो मूल्यमा १८ देखि ४५ वर्ष उमेरसम्मको बीमाका साथै अन्य स्वास्थ्य सुविधाहरू प्रदान गर्न मद्दत गर्ने अपेक्षा गरिएको छ। यस योजनामा उमेर अनुसार प्रिमियम रकम पनि फरक हुनेछ।
यसअघि दुर्घटना तथा बिरामी पर्दाको अवस्थालाई मध्यनजर गर्दै सार्वजनिक गरिएको इसेवा केयरलाई ग्राहकले मन पराएपछि यसमा जीवन बीमा पनि समावेश गरी इसेवा लाइफ केयर योजना सार्वजनिक गरिएको कम्पनीले बताएको छ।
इसेवा लाइफ केयर योजनामा टर्म लाइफ कभरेज २ लाख ५० हजार, दुर्घटना उपचार खर्च एक लाख, अस्पतालको बेड चार्जमा १० हजार, दुर्घटनाबाट भएको मृत्युमा एक लाख २० हजार, गम्भिर रोगको ५० हजार र ३० भन्दा बढि स्वास्थ्य र सौन्दर्य सम्बन्धित सेवामा ३५ प्रतिशतसम्म छुट प्राप्त गर्न सकिन्छ।
इसेवा प्रयोगकर्ताले यो सेवा लिन सुरुमा इसेवाको मोबाइल एप अथवा वेबपेजमा जानुपर्नेछ।
इसेवा लाइफ केयर खरिद कसरी गर्ने?
१. इसेवा केयर अप्सनमा क्लिक गर्नुपर्नेछ।
२. त्यसपछि त्यहाँ इसेवा केयर र इसेवा लाइफ केयरको अप्सन देखिनेछ।
३. इसेवा लाइफ केयरमा क्लिक गरी मागिएका विवरण भरेर भुक्तानी गरेपछि यो सेवा लिन सकिनेछ।
४. यस योजना खरिद गर्नका लागि प्रयोगकर्ता इसेवामा केवाइसी प्रमाणित हुनुपर्नेछ भने खरिद गरेको २४ घन्टामा यो योजना लागू हुनेछ।
५. प्रयोगकर्ताले बीमा सेवाको उपभोग गर्न बीमा गरेको प्रमाण साथमा राख्नुको साथै दाबीका लागि आवश्यक कागजात बोक्नुपर्नेछ। इसेवा प्रयोगकर्ताले दुर्घटना, अस्पताल भर्ना, मृत्यु दाबीका लागि हिमालयन एभरेष्ट इन्स्योरेन्समा सम्पर्क गरी आवश्यक कागजात पेश गरी भुक्तानीका लागि दाबी गर्नुपर्नेछ।
हाल इसेवाका देशभर करिब २ लाख २० हजारको संख्यामा एजेन्ट नेटवर्क रहेको छ। इसेवाले केन्द्रिय कार्यालय सहित सातै प्रदेशबाट सेवा दिइरहेको छ।
