एप्पलले आफ्नो आइफोनमा नयाँ संस्करण आइओएस १८.५ छिटै सार्वजनिक गर्ने भएको छ।
कम्पनीले उक्त संस्करण अप्रिलमा सार्वजनिक गर्नसक्ने अन्तर्राष्ट्रिय सञ्चार माध्यम फोर्ब्सले उल्लेख गरेको छ।
फोर्ब्सका अनुसार उक्त संस्करण आगामी महिना सार्वजनिक हुनेछ।
आइओएस १८.५ संस्करणमा आइफोनको सेटिङमा एप्पल केयर एण्ड इन्फर्मेसन खण्ड थपिने बताइएको छ।
आइओएस १८.४ संस्करण भर्खरै सार्वजनिक भएको हो।
आइओएस १८ बाट मेलको लागि एप्पल इन्टेलिजेन्सको प्रयोग भएको थियो।
यसक्रममा मेललाई वर्गीकरण गर्न सकिने विशेषता केही विवादित पनि हुन पुग्यो।
मेलमा आएको महत्त्वपूर्ण म्यासेजमा सजिलै आँखा परोस् भनेर यसलाई तीन भागमा विभाजन गर्न सकिने व्यवस्था गरिएको थियो।
प्राइमरी, ट्रान्ज्याक्सन र अपडेट तथा प्रोमोसन नामबाट मेललाई तीन भागमा वर्गीकरण गरिएको थियो।
त्यस्तै, लुकाउने उद्देश्यका लागि 'हिडन मेल' दायाँबाट बायाँ स्वाइप गरेर हेर्न सकिने बनाइएको थियो।
धेरैले यो विशेषता मन पराएनन्, यही कारण एप्पलले यस्ता म्यासेज टर्न अफ (बन्द) गर्न सकिने बनायो।
त्यसैले अब दायाँतर्फ माथि कुनामा रहेको तीनवटा थोप्ला (थ्री डट्स) थिच्दा ड्रप डाउन मेनु देखिन्छ र यसैबाट लिस्ट भू वा वर्गीकरण (क्याटेगोरी) छान्न सकिने गरी हुनेछ।
आइओएस १८.५ मा पनि यस्तो थ्री डट्स हुनेछन् र यसले ड्रप डाउन मेनु देखाएर अहिले मेलमा देखिने गरेको समस्याको समाधान दिनेछ।
