हिमालयन ह्वाइट हाउस स्कुलले अन्तर्राष्ट्रिय बोर्डबाट इन्टरनेशनल ब्लाकलरेट (आइबी) को मान्यता पाएको छ।
यो कार्यक्रम विश्वको १६० भन्दा बढी देशका १० हजारभन्दा बढी विद्यालयरूमा सञ्चालन भइरहेका छन्।
यो उपलब्धी विद्यार्थीको लागि मात्र नभएर यसले विद्यालय तथा सिंगो समाजलाई समेत लाभान्वित गर्ने स्कुलको भनाइ छ।
यस कार्यक्रम अन्तर्गत पढाइने पाठ्यक्रमले विद्यार्थीहरूको खोज, अनुसन्धान र जिज्ञासा बढाउनुको साथै विद्यार्थीहरूको ज्ञान, सीप र धारणा समेत अभिवृद्धि गर्न मद्दत गर्ने बताइएको छ।
यस विद्यालयले पूर्व प्राथमिकदेखि कक्षा ५ सम्मको पूर्ण मान्यता पाएको छ भने कक्षा ६ देखि १० सम्मको परीक्षण अवधि सञ्चालन हुने भएको छ।
