नेपाल नागरिक उड्डयन प्राधिकरणले त्रिभुवन अन्तर्राष्ट्रिय विमानस्थल आसपासमा चंगा, ड्रोन, बेलुन लगायत नउडाउन आग्रह गरेको छ।
विमानस्थल कार्यालयले शुक्रबार सूचना जारी गर्दै विमानस्थल क्षेत्रमा पटक–पटक चंगा, ड्रोन, बेलुन उडाउने गरेको पाइएको र यसबाट उडान सुरक्षामा गम्भीर असर पर्न सक्ने भएकाले उक्त कार्य नगर्न प्राधिकरणले अनुरोध गरेको हो।
'चंगा, ड्रोन, बेलुन उडाउने कार्य तथा लेजर लाइटले विमानको उडान सुरक्षामा गम्भीर असर पर्न सक्ने भएकाले यस किसिमको गतिविधि नगर्न र नगराउन अनुरोध गरिन्छ,' सूचनामा भनिएको छ।
साथै आग्रहलाई अटेर गरी यस्ता काम गरेमा कानुनअनुसार कडा कारबाही गरिने समेत विमानस्थल कार्यालयले जनाएको छ।
