अध्यागमन विभागले ‘भिजिट भिसा’मा विदेशी पर्यटकको दर्ता तथा अनुगमन विद्युतीय प्रणालीमार्फत गर्ने भएको छ।
विभागले मंगलबार विज्ञप्ती जारी गर्दै विदेशी नागरिक दर्ता तथा अनुगमन (ट्र्याकिङ) प्रणाली लागू गर्न लागेको बताएको हो।
नयाँ प्रणाली असोज १ गतेदेखि पहिलो चरणमा उपत्यकाभित्रका तारे होटलमा अनिवार्य हुने जनाएको छ।
विभागका महानिर्देशक रामचन्द्र तिवारीका अनुसार प्रणालीले विदेशी नागरिकको सुरक्षा, सूचनामा सहजीकरण, सम्भावित अपराध नियन्त्रण र पर्यटन प्रवर्द्धनमा सहयोग गर्नेछ।
दोस्रो चरणमा मंसिर १ गतेदेखि सबै तारे होटल, विमान कम्पनी, टुर्स एण्ड ट्राभल कम्पनी र मनी एक्सचेन्जमा पनि प्रणाली लागू गरिनेछ।
विभागले दर्ता प्रक्रिया र ‘म्यानुअल’ आफ्नो वेबसाइटमा राखेको छ भने आवश्यक जानकारीका लागि सूचना प्रविधि शाखासँग सम्पर्क गर्न सकिने जनाएको छ।
-1756794700.JPG)
-1746009348.jpg)
