होटल संघ नेपालले विज्ञप्तिमार्फत यसै भदौ २३ र २४ गते प्रदर्शनकारीले गरेको आन्दोलनको क्रममा झन्डै २ दर्जन होटलहरूमा ठूलो क्षति पुगेको जनाएको छ।
संकलित प्रारम्भिक जानकारी अनुसार झन्डै २ दर्जन होटलमा क्षति पुग्दा करिब २५ अर्बको नोक्सानी भएको बताएको हो।
संघका अनुसार काठमाडौं, पोखरा, बुटवल, भैरहवा, झापा, मोरङ विराटनगर, धनगढी, महोत्तरी, दाङ तुल्सीपुर लगायतका क्षेत्रमा सञ्चालित स्वदेशी तथा विदेशी ब्राण्डका होटलहरूमा प्रत्यक्ष क्षति पुगेको हो।
यी होटलमा तोडफोड, आगजनी र लुटपाट भएको छ।
‘काठमाडौंमा रहेको हिल्टन होटलको मात्रै ८ अर्ब भन्दा बढीको क्षति भएको छ,’ संघले भनेको छ, ‘यो सँगै देशभरी करिब २५ अर्ब भन्दा बढी आर्थिक क्षति भएको प्रारम्भिक अनुमान छ।’
यसबाट प्रभावित होटलहरु मर्मत सम्भार र पुनर्निर्माण नगरी सञ्चालनमा आउन नसक्ने अवस्थामा छन्।
जसकारण करिब दुई हजारभन्दा बढी कामदार कर्मचारीको चाडपर्वको समयमा रोजिरोटीमा समेत प्रत्यक्ष प्रभाव परेको छ।
साथै हाल सञ्चालन अवरुद्ध भएका यी होटलहरुले व्यहोर्नु पर्ने बैंक–वित्तीय संस्था लगायतका आर्थिक दायित्व नियमित रुपमा बुझाउन असमर्थ रहने देखिएको छ।
-ink-1757489625.jpeg)
-1746009348.jpg)
