श्रम, रोजगार तथा सामाजिक सुरक्षामन्त्रीसमेत रहेका राष्ट्रिय स्वतन्त्र पार्टी (रास्वपा) का उपसभापति डोलप्रसाद अर्याल (डिपी) ले पार्टीको मिसन भ्रष्टाचार अन्त्य गर्नु रहेको बताएका छन्।
आइतबार संघीय संसद भवन परिसरमा पत्रकारहरूसँग कुराकानी गर्दै उनले रास्वपाको मिसन बेथिति बिरुद्धमा काम गर्ने रहेको बताए।
भ्रष्टाचार अन्त्य, बेथिति विरुद्धको काम र सुशासन कायम भएसँगै देश समृद्ध बन्ने उनको भनाइ थियो।
‘रास्वपाको मिसन बेथिति विरूद्धमा काम गर्ने हो। साथै भ्रष्टाचार कसरी अन्त्य गर्न सकिन्छ भन्ने नै हो,’ उनले भने, ‘त्यसकारण सुशासन कायम र भ्रष्टाचारको अन्त्य गर्नुपर्छ। हाम्रो योभन्दा बढी मिसन खासै छैन। त्यति गर्नेबित्तिकै यो देश समृद्ध हुन्छ।’
जनताले राज्य र सरकार भएको महसुस गर्ने गरी काम गर्ने बताएका थिए।
(न्युज एजेन्सी नेपाल)