नेपाल बारको नयाँ कार्यसमिति घोषणा (तस्बिरहरू)

सेतोपाटी संवाददाता

काठमाडौं, चैत २८

नेपाल बार एशोसिएशनमा नयाँ कार्यसमिति चयन भएको छ।

बिहीबार एशोसिएशन परिसरमा निर्वाचन समितिले बारमा विजयप्रकाश मिश्रको नेतृत्वमा नयाँ कार्यसमितिको चयन भएको घोषणा गरेको हो।

बारमा कांग्रेस-एमाले गठबन्धनको प्यानलै निर्वाचित भएको छ।

अध्यक्षका उम्मेदवार मिश्रले ५ हजार ५२ मत प्राप्त गर्दा उनका प्रतिस्पर्धी माओवादी केन्द्र-रास्वपा-एकीकृत समाजवादीतर्फ गठबन्धनका उम्मेदवार रमनकुमार श्रेष्ठले २ हजार ६२१ मत प्राप्त गरे।

उपाध्यक्षहरूमा सात प्रदेशबाट पदमप्रसाद लिम्बु, अजयशंकर झा, तेजबहादुर रावल, भूपेन्द्र खनाल, कृष्णप्रसाद पोख्रेल, विवशकुमार बस्नेत, सिद्धराज ओझा र महिलातर्फबाट अधिवक्ता सरस्वती श्रेष्ठ विजयी भए।

केदारप्रसाद कोइराला महासचिव निर्वाचित भए।

कोषाध्यक्षमा जगतबहादुर कार्की, दलित सदस्यमा चिरञ्जिबी तिलक्यानी, मधेसी तर्फ (काठमाडौं बाहिर)बाट सूर्यकुमार यादव, मधेसी/मुस्लिम खुला रिंकुकुमारी यादव, आदिवासी/जनजाति (काठमाडौं बाहिर) वरिष्ठ अधिवक्ता राजकुमार श्रेष्ठ र आदिवासी जनजाति खुलामा मंगल सुन्दर शिल्पकार निर्वाचित भएका हुन्।

महिला सदस्यमा रंजिता कार्की, काठमाडौं बाहिरका अधिवक्ता किरण पौडेल र खुलातर्फ किरण न्यौपाने, शारदा गुरूङ, दमनबहादुर चन्द, बाबुराम अर्याल, मुकुन्द अधिकारी र माधव मैनाली विजयी भएका हुन्।