प्रधानमन्त्री केपी शर्मा ओलीले अध्यागमन कार्यालय त्रिभुवन अन्तर्राष्ट्रिय विमानस्थल कार्यालयले दिने दु:ख र हैरानीबारे कहानी सुनाएका छन्।
काठमाडौंमा सोमबार भएको पर्यटन संवाद कार्यक्रममा बोल्दै प्रधानमन्त्री ओलीले अध्यागमनले दिने दु:खबारे किस्सा सुनाएका हुन्।
प्रधानमन्त्री ओलीले श्रीलंकाका एक जना मन्त्री तेस्रो पटक नेपाल आएको र अब नआउने भनेको प्रसंग पनि सुनाए।
यो पनि: भिजिट भिसा प्रकरणका ५ विषय
‘तीन पटक नेपाल आएँ, तीनै पटक सुटकेस पाइनँ, मन्त्री मान्छे,’ प्रधानमन्त्री ओलीले भने, ‘म पनि मन्त्री थिएँ लाज भयो, सुटकेस मात्रै भए म किनेर पठाउँथे, तीनवटै। तर त्यसभित्र के थियो।’
चितवनका बुद्धि खनाल पढ्न अमेरिका गएको र नेपाल फर्किएको घटनाबारे सुनाउँदै प्रधानमन्त्री ओलीले थपे, ‘उता चलाइरहेको भिडिओ क्यामेरा बोकेर आएका रहेछन्। अध्यागमनमा पाँच सय डलर मागेछन्, घुस खाने कुरा हो हुँदैन भनेर खनालले दिएनछन्। नदिने हो त पैसा भनेपछि क्यामेराको बिल खोइ भनेछन्,’ उनले भने।
चलाइरहेको क्यामेरा लिएर नेपाल आएका खनाललाई पैसा नदिएपछि अध्यागमनले चोरी तस्करी गर्न खोजेको आरोपमा गिरफ्तारसमेत गरेको घटना प्रधानमन्त्री ओलीले सुनाएका हुन्।
भिडिओ:
