नेकपा (माओवादी केन्द्र) की सांसद रेखा शर्माले प्रधानाध्यापकको सेवा सुविधाबारे विधेयकमा स्पष्ट रुपमा लेखिनुपर्ने बताएकी छन्।
बिहीवार सिंहदरबारमा बसेको शिक्षा, स्वास्थ्य तथा सूचना प्रविधि समितिको बैठकमा बोल्दै उनले माथिल्लो तहका कर्मचारीले पाउने सरहको सुविधा प्रधानाध्यापकले पाउने भनेर विधेयकमा लेख्नुपर्ने बताएकी हुन्।
'प्रधानाध्यापकमा रहुन्जेल नेपाल सरकारका राष्ट्रसेवक कर्मचारीहरुको सबैभन्दा माथिल्लो तह कुन हो ? त्यो तहको सेवा सुविधा दिइनेछ भन्ने विषय कतै उल्लेख गर्नुपर्छ,’ उनले भनिन्।
उनले विधेकमा प्रधानाध्यापकको थप सेवा सविधा तोकिएबमोजिम हुने मात्रै लेखिएकोमा असन्तुष्टि प्रकट गरिन्।
'यसमा हामीले तोकेबमोजिम हुनेछ त भन्यौँ । तर तोकेबमोजिम हुनेछ भन्दा तीन सय, पाँच सय रुपैयाँ दिएर प्रधानाध्यापकलाई जसरी ब्युटिफुल बनाउन खोज्दैछौँ, त्यो उद्देश्य हाम्रो पूर्ति हुँदैन । यति पैसा भनेर त विधेयमा नलेखिएला तर पनि यो खालको सुविधा दिइनेछ भनेर लेख्न सकिन्छ,' उनले भनिन्।
-1742801159.jpg)
-1746009348.jpg)
