नेकपा (माओवादी केन्द्र) का सांसद महिन्द्र राय यादवले शिक्षालाई राजनीतिबाट सधैँ मुक्त गर्नेगरी अघि बढ्न जरुरी रहेको बताएका छन्।
बिहीवार सिंहदरबारमा बसेको शिक्षा, स्वास्थ्य तथा सूचना प्रविधि समितिको बैठकमा बोल्दै उनले यस्तो बताएका हुन्।
उनले देश र संविधान समाजवादउन्मुख हुनुपर्ने र शिक्षा पनि समाजवादउन्मुख हुन जरुरी रहेको बताए।
'पुँजीवादीतिर निजीतिर जुन गएको देखिन्छ, पूर्ण छात्रवृत्ति, गरिब जेहन्दार, अति पिछडिएकाहरुलाई जुन व्यवस्था गरिएको छ, यो गैरमुनाफा नै रहोस् । यो क्रमशः गुठीमा जानेकुरा छ, यो यथावत रहोस्। समतामूलक समाज बनाउने, कानून बनाउँदा अहिले पनि पुरानै मानसिकताले बन्यो भने यसले समाजमा सन्तुलत हुँदैन,' उनले भने।
बोर्डको गठन हुने, प्रदेशमा सबै जाने, प्रदेशले एसइई हुने, तर बोर्डको नियुक्ति नेपाल सरकारले किन गर्ने भन्ने प्रश्न उठेको बताए।
'कर्मचारी राख्दा हुन्छ। शिक्षा क्षेत्रलाई सधैँ राजनीति मुक्त गरौं। शिक्षामा राजनीतिकरण भएको छ,यो अलग होस्,' उनले भने।
सांसद यादवले शिक्षाको गुणस्तर वृद्धि हुनेगरी विधेयक अघि बढाइनुपर्ने बताए। —न्युज एजेन्सी नेपाल
-1742801159.jpg)
-1746009348.jpg)
