दाङमा एकजना युवकको डुबेर मृत्यु भएको छ।
लमही नगरपालिका वडा नम्बर ४ घुम्नास्थित कुलोमा डुबेर घोराही उपमहानगरपालिका वडा १६ निवासी २६ वर्षीय खुमबहादुर चौधरीको मृत्यु भएको प्रहरीले जानकारी दिएको छ।
वडा प्रहरी कार्यालयका नायब निरीक्षक नरेश ढकालका अनुसार चौधरी लमहीको वडा नम्बर ४ घुम्नास्थित आफ्नो दिदी भिनाजुलाई खेतीपातीको काममा सघाउन भनि चार/पाँच दिन अघि मात्रै त्यहाँ गएका थिए। चौधरी बुधबार बेलुकीपख काम गर्दागर्दै ढलेर नजिकैको कुलोमा परेपछि मृत्यु भएको भन्ने जानकारी आएको ढकालले जानकारी दिए।
चौधरीको शवलाई पोष्टमार्टको लागि लमही अस्पतालमा राखिएको छ ।
