बारामा जंगली हात्तीको आक्रमणबाट एक जनाको मृत्यु भएको छ।
सोमबार बिहान साढे ११ बजे कोहल्बी नगरपालिका-२ पुरानो काँटास्थित जंगलमा ६३ वर्षीय हस्तबहादुर ठोक्कर मृत फेला परेको जिल्ला प्रहरी कार्यालय बाराले जनाएको छ।
उनी बिहान ७ बजे घाँस काट्न गएका थिए। तर लामो समयसम्म नफर्किएपछि आफन्त र स्थानीयहरू जंगलमा गएका थिए।
जंगल पस्दा हात्तीको आक्रमणबाट ठोक्कर मृत अवस्थामा भेटिएका थिए। उक्त खबरपछि प्रहरी टोली खटिएर अनुसन्धान अघि बढाएको हो।
शव पोष्टमर्टमको लागि कलैया प्रादेशिक अस्पतालमा पठाइएको छ।
