दाङको देउखुरीमा शुक्रबार बेलुकी भएको यात्रुबाहक बस दुर्घटनामा मृत्यु भएकी महिलाको पहिचान खुलेको छ।
मृतक महिला घोराही उपमहानगरपालिका – ३ की ३५ वर्षीया पुष्पा नेपाली रहेको जिल्ला प्रहरी कार्यालय दाङले जानकारी दिएको छ।
दुर्घटनापछि भएकै बसले च्याप्दा उनको घटनास्थलमै मृत्यु भएको थियो। जेसिबीको सहयोगमा बस उठाएर उनलाई निकालिएको थियो।
उक्त बस दुर्घटनामा परी जिल्लाको राजपुर गाउँपालिका–५ का ५६ वर्षीय निलसरोज यादवको पनि मृत्यु भएको थियो।
प्रहरीका अनुसार दुर्घटनामा परी २९ जना घाइते भएका छन्। घाइते हुनेहरुमा १९ महिला र १० पुरुष छन्। घाइतेहरु मध्य दुई जनाको अवस्था गम्भीर छ भने १० जनाको मध्यम र १५ जनाको अवस्था सामान्ने छ।
घाइतेको लमही, घोराही र बुटवलमा उपचार भइ रहेको छ।
पूर्व पश्चिम राजमार्ग अन्तरगत दाङको राप्ती गाउँपालिका – ५ लठ्वामा बेलुकी ६ बजेतिर ना ३ ख ६९९६ नम्बरको तीब्र गतिको बस सडक किनारमै पल्टिएको थियो। बसमा भारतीय बजार कृष्णनगरबाट किनमेल गरि दाङ तर्फ आउँदै गरेका यात्रुहरु थिए।
