मोरङमा पौडी खेल्ने क्रममा डुबेर एक जना र भोजपुरमा चट्याङ लागेर एक जनाको मृत्यु भएको छ।
मोरङको धनपालथान गाउँपालिका-७ का विजय शर्माको ८ वर्षीय छोरा ऋषि शर्माको डुबेर आइतबार साँझ घर नजिकै रहेको पोखरीमा पौडी खेल्ने क्रममा डुबेर मृत्यु भएको कोशी प्रदेश प्रहरी कार्यालयले जनाएको छ।
यसैगरी आइतबार नै भोजपुरको रामप्रसाद राई गाउँपालिका-१ घर भई हाल चापाभोटेस्थित आफ्नै दाजुको घरमा बस्दै आएकी ६५ वर्षीया पम्फा भण्डारीलाई कोठामा सुतिरहेको अवस्थामा चट्याङ लाग्दा उनको घटनास्थलमा नै मृत्यु भएको प्रहरीले जनाएको छ।
