चितवनको माडी नगरपालिकामा नारायणप्रसाद सापकोटाको अध्यक्षतामा प्रज्ञा प्रतिष्ठान गठन भएको छ।
असार १६ गतेको कार्यपालिका बैठकले सापकोटाको अध्यक्षतामा १७ सदस्यीय माडी प्रज्ञा प्रतिष्ठान गठन गर्ने निर्णय गरेको थियो।
प्रतिष्ठानको उपाध्यक्ष चन्द्रमणि महतो छन्।
अध्यक्ष सापकोटा पत्रकार हुन्। उपाध्यक्ष महतो शिक्षक हुन्।
प्राज्ञ सभाको सदस्यमा प्रेम कुमार विष्ट, हिरामती महतो, नारायण दुबे, इन्दिरा दाहाल, सुमन तिमिल्सिना, सत्यप्रकाश पौडेल, अन्जु तामाङ, इन्द्रा देवी महतो, विपिन पाठक, सुदर्शन सुवेदी, पार्वती विक, सूर्य केसी, श्याम दुरा मनोनीत भए।
नगरपालिकाका अधिकृत प्रविण भण्डारी सदस्य-सचिव र सामाजिक विकास समितिका संयोजक दिपेन्द्र पौडेल पदेन सदस्य छन्।
सामाजिक विकास समितिका संयोजक दिपेन्द्र पौडेलको संयोजकत्वमा प्रा.डा. धनेश्वर भट्टराई र नेपाल प्रज्ञा प्रतिष्ठानका प्राज्ञ दिनेश्वर महतो सदस्य रहेको सिफारिस समितिको सिफारिसको आधारमा नगरपालिकाले प्रतिष्ठान गठन गरेको हो।
सिफारिस समितिका संयोजक पौडेलले नगरका सबै प्रतिभा र इतिहास, कला, साहित्य, संस्कृतिलाई समेटेर अन्तर्राष्ट्रिय स्तरमा पुर्याउने लक्ष्यका साथ प्रतिष्ठान गठन गरिएको बताए।
अध्यक्ष सापकोटाले प्रतिष्ठानले माडीको यथार्थ वस्तुस्थितिलाई बाहिर ल्याउने बताए। उनले ऐतिहासिक, धार्मिक, संस्कृति, भाषा, संगीत, पर्यापर्यटन, कृषिका विषय उजागर गर्दै माडीको विकासमा सहयोग गर्ने बताए।
प्रमुख प्रशासकीय अधिकृत जगतप्रसाद भुसालले पूर्वाधार विकास बाटो मात्रै होइन विविध आयमको संरक्षण गर्दै विशिष्टता कायम राख्नुपर्ने बताए।
माडी नगरपालिकाकी मेयर ताराकुमारी काजी महतोले माडी ऐतिहासिक ठाउँ भए पनि सबै प्रमाणहरुको खोजी गर्न नसकेको बताइन्।
प्रतिष्ठानले खोजीमा सघाउँदै माडीलाई सबैतिर चिनाउने विश्वास उनले व्यक्त गरिन्।
'यहाँ धेरै सम्भावना छन्। ऐतिहासिक, धार्मिक, पर्यापर्यटनका विषयहरु हामीले प्रचार गर्न सकेको छैनौं,' मेयर महतोले भनिन्, 'प्रज्ञा प्रतिष्ठानले यी सबै विषय उजागर गर्ने अपेक्षा लिएका छौं।'
-1746009348.jpg)
