काठमाडौंको नेपालटारमा करेन्ट लागेर एक जनाको मृत्यु भएको छ।
शुक्रबार बिहान तारकेश्वर नगरपालिका-११ नेपालटार हिलेटोल हाइटमा करेन्ट लागेर एक जनाको मृत्यु भएको हो।
फाइबर वर्ल्ड कम्युनिकेशन प्रालिमा काम गर्ने २४ वर्षीय राजन भुजेलको मृत्यु भएको प्रहरीले जनाएको छ।
उनी गल्छी गाउँपालिका-८ घर भई गुहेश्वरीमा बस्दै आएका थिए।
नेटको तार तान्नका लागि बिजुलीको पोलमा चढ्ने क्रममा उनलाई करेन्ट लागेर गम्भीर घाइते भएका थिए।
उनको उपचारका लागि ग्रिनसिटी अस्पताल बसुन्धरामा लगिएको थियो। त्यहाँ उपचारको क्रममा उनको मृत्यु भएको प्रहरीले जनाएको छ।
प्रहरीले थप अनुसन्धान अघि बढाएको बताएको छ।
-1746009348.jpg)
