भारतका मस्ट वान्टेड हतियार तस्कार शेख सलिम भन्ने सलिम पिस्टल नेपालमा पक्राउ परेका छन्।
नेपाल प्रहरीको सहयोगमा भारतको दिल्ली प्रहरी स्पेशल सेलले अपरेशन सञ्चालन गरी उनलाई नेपालबाट पक्राउ गरेको भारतीय अनलाइन एनडिटिभीले जनाएको छ।
नेपाल प्रहरीका केन्द्रीय प्रवक्ता तथा डिआइजी विनोद घिमिरेले भने आफूलाई जानकारी नभएको बताए।
‘भारतीय समाचारहरूमा आइरहेको थाहा पाएँ। पक्राउ परेको भए जानकारी हुनुपर्ने हो। तर मलाई थाहा भएन,’ उनले भने।
पक्राउ परेका सलिम वर्षौंदेखि अवैध हतियारको बिक्री गर्ने गरेको आरोप छ। उनले पाकिस्तानबाट भारतमा हतियार भित्र्याउने गर्थे।
अनुसन्धानकर्ताहरूले उनको सम्बन्ध पाकिस्तानी इन्टिलिजेन्स एजेन्सी आइएसआई र दाउद इब्राइमको डि-कम्पनीमा समेत रहेको बताएका छन्।
सलिम पिस्टलले अहिले चर्चाम रहेका लरेन्स विश्नोइ र हशिम बाबाको समूहलाई समेत बिक्री गर्ने गरेको आरोप छ। पछिल्लो समय उनको नाम पन्जाबी गायक सिद्दू मुशेवालाको हत्यामा जोडिएको थियो।
सलिम पिस्टललाई दिल्ली प्रहरीले सन् २०१८मा पक्राउ गरेको थियो। पछि उनी भागे।
नेपालमा लुकेर बसेको सूचना पाएपछि सुरक्षा निकायले नेपाल प्रहरीसँग समन्वय गरी उनलाई पक्राउ गरेको हो।
सन् २०००मा गाडी चोरीको घटनाबारे आपराधिक पृष्ठभूमि सुरू भएको देखिन्छ।
-1754812957.jpeg)
-1746009348.jpg)
