नेपलिज क्यानेडियन क्रिकेट क्लबले आयोजना गरेको एनसिसिसी कपको सातौं संस्करणको उपाधि हक्का इसपाइसेजले जितेको छ।
फाइनल खेलमा हक्का इसपाइजेजले टस जित्दै ब्रेक एण्ड प्लेविरूद्ध पहिले ब्याटिङ गर्दा २० ओभरमा ५ विकेट गुमाउँदै १९५ रन जोड्यो।
प्रवेस मल्लले १ चौकाको मदतले ५० बल खेल्दै ५० रनको योगदान गरेका थिए। त्यसैगरी नरेस बुढाएरले ५ चौका र ७ छक्काको मदतले ४१ बल खेल्दै ९२ रन बनाए। त्यसैगरी सागर खनालले ३ चौकाको मदतले १८ बलमा २४ रनको योगदान गरेका थिए।
ब्रेक एण्ड प्लेका लागी मन विकेले ३ ,सुजन बोहराले १ विकेट लिदै टिमलाई योगदान गरेका थिए।
१९६ रनको योगफल पछ्याउन मैदान उत्रेको ब्रेक एण्ड प्ले २० ओभर खेल्दै ६ विकेट गूमाएर मात्र १११ रन मात्र बनाउन सक्यो। ब्रेक एण्ड प्लेका लागी जुनेसले ३ चौका र १ छक्काको मदतले २२ बलमा ३० रन बनाउन सफल भए।
हक्काका लागि सागर तथा आसिसले २-२ र प्रवेस तथा आलोकले १-१ वीकेट लिन सफल भएका थिए।
खेलको म्यान अफ द म्याच नरेस बुढाएर भएका थिए।
अगस्ट १२ र १३ गते डीक्सी -४०७ क्रिकेट ग्राउण्डमा प्रतियोगिता आयोजना भएको थियो।प्रतियोगितामा आठ टीमको सहभागिता रहेको थियो।
प्रतियोगिताको उपाधि जितेको हक्काले चार हजार डलर र उपविजेता ब्रेक एण्ड प्लेले दुई हजार डलर प्राप्त गरेको छ।
प्रतियोगिताका संयोजक रेजिस रञ्जितले यस प्रतियोगितालाई समपन्न साथ र सहयोग गर्ने सबैलाई धन्यवाद दिए।
