घरेलु टिम युएईविरुद्धको तीन खेलको टी-२० सिरिज अफगानिस्तानले जितेको छ।
मंगलबार शारजाहमा भएको तेस्रो तथा निर्णायक खेलमा ४ विकेटको जित निकालेर अफगानिस्तानले सिरिज २-१ ले जितेको हो।
यसअघि पहिलो खेलमा अफगानिस्तान र दोस्रो खेलमा युएई विजयी भएका थिए।
मंगलबार युएईले दिएको १२७ रनको सामान्य लक्ष्य अफगानिस्तानले १८.३ ओभरमा ६ विकेटको क्षतिमा पूरा गर्यो।
अफगानिस्तानको जितमा हजरातुल्लाह जजाइले ३६ रन र नाजिबुल्लाह जार्डानले नटआउट २८ रन जोडे।
बलिङमा युएईका जुनइद सिद्धिकीले २ विकेट लिए।
त्यसअघि टस जितेर पहिले ब्याटिङ गरेको युएईले ९ विकेटको क्षतिमा १२६ रन मात्र जोड्न सक्यो। युएईका लागि ओपनर तथा कप्तान मोहमद वासीमले सबैभन्दा बढी २७ रन जोडे।
बलिङमा अफगानिस्तानका नवीन उलहकले ४ विकेट लिए।
