प्रधानमन्त्री कप एकदिवसीय क्रिकेट प्रतियोगिताका लागि बागमती प्रदेशले टिम घोषणा गरेको छ।
१४ सदस्यीय टिमको कप्तानी रित गौतमले गर्नेछन्। यस्तै रबिन जोशी विकेटकिपरको रुपमा छन्।
टिममा आशुतोष घिरोइया, इशान पाण्डे, विवेक राना मगर, प्रतिक श्रेष्ठ, प्रतिश जिसी, सूर्य तामाङ, कृजन गुरुङ, रिजन ढकाल, गौतम केसी, अशोक पौडेल, सोनु देवकोटा र विपिन आचार्य छन्।
यता बागमती छनोटमा काठमाडौंको कप्तानी गरेका शरद भेषावकर टिममा छैनन्। काठमाडौंको कप्तानी गर्नुअघि शरदले काठमाडौं छनोटमा महावीर क्लबबाट खेलेका थिए।
टिमको प्रशिक्षकमा कलाम अली र टेक्निकल एनालिस्टमा राजन शाह छन्।
बागमतीले प्रधानमन्त्री कपको पहिलो खेलमा नेपाल पुलिस क्लबसँग पुस २८ मा त्रिवि मैदानमा खेल्नेछ।
