नेपालविरूद्धको टी-२० खेलमा नेदरल्यान्ड्सले आक्रामक सुरूवात गरेको छ।
कीर्तिपुरस्थित त्रिवि मैदानमा टस जितेको नेपालले बलिङ रोजेपछि पहिले ब्याटिङ गरेको नेदरल्यान्ड्सले पहिलो ६ ओभरको पावर प्लेमा एक विकेटको क्षतिमा ५५ रन जोडेको छ। नेदरल्यान्ड्सका माइकल लेभिटले २६ बलमा ४२ रन जोडिसकेका छन्।
नेपालका लागि करण केसीले पहिलो विकेट लिए। उनले म्याक्स ओ'डाउदलाई दीपेन्द्रसिंह ऐरीबाट ४ रनमा क्याच गराए।
खेलमा नेपालको टिममा दुई परिवर्तन गरिएको छ। तीव्र गतिका बलर प्रतिश जिसी र स्पिनर ललित राजवंशी खेलका लागि टिममा छन्।
विवेककुमार यादव र अभिनास बोहरा बेन्चमा छन्। विवेक र अभिनाससहित अनिल साह र आरिफ शेख पनि बेन्चमा छन्।
