त्रिदेशीय टी-२० आई सिरिजमा नेदरल्याण्ड्सले दिएको १२१ रनको लक्ष्य पछ्याइरहेको नेपालले एकै ओभरमा दुई विकेट गुमाएको छ।
तेस्रो ओभरमा नेपालका कुशल भूर्तेल र आशिफ शेख आउट भएका हुन्।
ओभरको तेस्रो बलमा नेदरल्याण्ड्सका भिभियन किंग्माले भान देर गंग्टेनबाट क्याच आउट गराए। किंग्माले पाचौं बलमा आशिफलाई बोल्ड गरे।
८ बल खेलेका कुशलले १ चौका र १ छक्का प्रहार गरी १२ रन बनाउँदा ८ बल खेलेका आशिफले १ चौका प्रहार गरी ८ रन जोडेका थिए।
नेपालका दुवै ओपनर आउट भएपछि कप्तान रोहित पौडेल र गुल्सन झा ब्याटिङमा छन्।
चौथो ओभर चलिरहँदा नेपालले दुई विकेट गुमाएर २९ रन बनाएको छ।
