अन्तर्राष्ट्रिय क्रिकेट काउन्सिल (आइसिसी) का अध्यक्ष ग्रेग बार्कले मार्च १८ देखि २१ मार्चसम्म नेपाल भ्रमणमा आउने भएका छन्।
उनको भ्रमणलाई नेपाल क्रिकेट संघ (क्यान) ले आइसिसीसँगको सम्बन्धलाई बलियो बनाउन र खेलकुदको विकासका लागि थप अवसरहरू खोज्न महत्वपूर्ण कदमको रूपमा लिएको छ।
आइसिसी अध्यक्षले १८ मार्चमात्रिभुवन विश्वविद्यालय अन्तर्राष्ट्रिय क्रिकेट मैदान र मुलपानी क्रिकेट रंगशालामा निरिक्षण गर्नेछन्। यस्तै उनले प्रधानमन्त्री, अर्थमन्त्री र युवा तथा खेलकुद मन्त्रीलगायत प्रमुख व्यक्तिहरूसँग आधिकारिक बैठकहरू पनि गर्नेछन्।
आइसिसी अध्यक्ष २१ मार्चमा फर्कनेछन्।
आफ्नो भ्रमणको बारेमा बोल्दै आइसिसी अध्यक्षले नेपाल क्रिकेट संघ (क्यान) टोलीले हासिल गरेको प्रगतिलाई प्रत्यक्ष रूपमा हेर्न नेपाल भ्रमण गर्न पाउँदा हर्षित भएको बताए।
