नेपाल प्रिमियर लिग (एनपिएल) अन्तर्गत आजको पहिलो खेलमा चितवन राइनोज टस जितेको छ। काठमाडौं गुर्खाजविरूद्धको खेलमा चितवनले टस जितेर फिल्डिङ रोजेको छ।
चितवन कुशल मल्ल तथा काठमाडौं करण केसीको कप्तानीमा उत्रनेछ।
कीर्तिपुरस्थित त्रिवि मैदानमा नौ बजे सुरु हुने खेलमा आज सुरक्षा व्यवस्था कडा पारिएको छ।
शनिबार जनकपुर बोल्ट्स र विराटनगर किंग्सविरूद्धको उद्घाटन खेलमा व्यवस्थापनको कमजोरीका कारण दर्शक र सुरक्षाकर्मीबीच झडप भएको थियो। कतिपय दर्शकले टिकट काटेर पनि मैदान भित्र नपाउँदा तनाव सुरु भएको थियो।
उद्घाटन खेलमा जनकपुरले विराटनगरलाई ८ विकेटले पराजित गरेको थियो।
लिगमा आजै दोस्रो खेलमा कर्णाली याक्स र जनकपुर बोल्ट्सबीच दोस्रो खेल हुँदैछ।
