सिद्धार्थ बैंक नेपाल प्रिमियर लिगमा शुक्रबार पनि दुई खेल हुँदैछन्।
पहिलो खेलमा कर्णाली याक्स र चितवन राइनोज् भिड्नेछन्। दोस्रो खेलमा लुम्बिनी लायन्स र पोखरा एभेन्सजर्स खेल्नेछन्।
कीर्तिपुरस्थित त्रिवि मैदानमा कर्णाली र चितवनबीचको खेल बिहान ९ बजे र लुम्बिनी र पोखराबीचको खेल दिउँसो सवा १ बजे हुनेछ।
कर्णाली याक्स जितविहीन छ। उसले अहिलेसम्म दुई खेल खेलिसकेको छ। याक्स पहिलो खेलमा जनपुर बोल्ट्स र दोस्रो खेलमा काठमाडौं गुर्खाजसँग पराजित भएको थियो।
पोखरा एभेन्जर्सले पनि यसअघि खेलेका दुवै खेलमा पराजय ब्यहोरेका छन्। पहिलो खेल चितवन राइनोजसँग र दोस्रो खेल जनकपुरसँग पोखरा पराजित भएको थियो।
पोखरा र कर्णाली दुवै पहिलो जितको खोजीमा हुनेछन्।
चितवन राइनोजले यसअघि खेलेका दुवै खेल जितेको छ। पहिलो खेलमा काठमाडौं र दोस्रो खेलमा पोखरालाई पराजित गरेको थियो।
लुम्बिनी लायन्सले दोस्रो खेल खेल्दैछ। पहिलो खेलमा ऊ विराटनगर किंग्ससँग पराजित भएको थियो।
कर्णालीमा सोमपाल कामी, चितवनमा कुशल मल्ल, लुम्बिनीमा रोहित पौडेल र पोखरामा कुशल भूर्तेल मार्की खेलाडी छन्।
-1733130207.jpeg)
