ओमानमा जारी आइसिसी टी-२० विश्वकप एसिया एन्ड इएपी छनोटअन्तर्गत सुपर-६ को खेलमा नेपालले एकपछि अर्को रोमाञ्चक जित हात पारिरहेको छ।
आइतबार युएईमाथि एक रनको जित निकालेर सनसनी मच्चाएको नेपालले सोमबार कतारमाथि ५ रनको जित हासिल गर्यो।
दुवै खेलमा नेपाल कुनै समय कठिन स्थितिमा थियो। तर उत्कृष्ट बलिङ र फिल्डिङका कारण नेपालले युएई र कतारमाथि अन्तिम ओभरमा जित निकाल्दै सन् २०२६ को फेब्रुअरी-मार्चमा भारत र श्रीलंकामा हुने टी-२० विश्वकप नजिक पुगेको छ।
सुपर-६ नेपालले अन्तिम दुई खेलअघि ६ अंक जोडेको छ र अंक तालिकामा दोस्रो स्थानमा छ। शीर्ष स्थानको ओमानको पनि ६ अंक नै छ। युएई र जापानको २-२ अंक छ भने सामोआ र कतारले अंक जोड्न सकेका छैनन्।
सुपर-६ का ६ टोलीमध्ये शीर्ष ३ टोली विश्वकपमा छनोट हुनेछन्। यस्तोमा नेपालले बुधबार घरेलु टोली ओमान र शुक्रबार सामोआसँग खेल्दैछ। यी दुई मध्ये एक खेलमा जितेमा नेपाल विश्वकपमा पुग्नेछ। दुवै खेल जितेमा त नेपाल च्याम्पियन बनेर विश्वकपमा पुग्नेछ। यसो भएमा नेपाल लगातार दोस्रो पटक र समग्रमा तेस्रो पटक आइसिसी टी-२० विश्वकपमा पुग्नेछ।
बुधबार घरेलु टोली ओमानलाई हराएको अवस्थामा नेपाल अन्तिम खेलअघि नै टी-२० विश्वकपमा पुग्नेछ। यसो हुन नसकेको अवस्थामा शुक्रबार सामोआलाई हराए पनि नेपालले विश्वकपमा स्थान बनाउन सक्छ।
अर्कोतर्फ नेपालले बाँकी रहेका दुई खेलमा पराजय भोगेको अवस्थामा पनि छनोट हुने सम्भावना छ। तर खेलमा जे पनि हुन सक्ने समिकरणका कारण नेपालले दुवै खेलमा पराजय भोगेको अवस्थामा मात्र विश्वकपमा छनोट नहुने झिनो गणीतिय सम्भावनालाई भने नकार्न सकिन्न।
नेपालले बाँकी दुवै खेल (ओमान र सामोआ विरुद्धका) हारे पनि २०२६ टी-२० विश्वकपका लागि छनोट हुने सम्भावना अत्यन्तै बलियो छ। तर यो शतप्रतिशत निश्चित भने हुँदैन र यसका लागि अन्य टोलीको नतिजा नेपालको पक्षमा हुनुपर्छ।
नेपालले दुवै खेल हारेको खण्डमा पनि ६ अंक हुनेछ। जापानको हाल २ खेलबाट २ अंकमा छ। जापानले बाँकी रहेका तीनवटै खेल (कतार, युएई, र ओमान विरुद्ध) जितेमा उनीहरूको कुल अंक ८ पुग्छ। यस अवस्थामा जापान नेपालभन्दा माथि रहनेछ। तर नेपालले दुवै खेल हारेको हुनु पर्छ।
युएईको हाल ३ खेलबाट २ अंक छ। युएईले बाँकी रहेका दुवै खेल (सामोआ र जापान विरुद्ध) जितेमा उनीहरूको पनि कुल अंक ६ पुग्छ। यस्तोमा उसले दुवै खेल हारेको अवस्थाको नेपालसँग अंक बराबरी हुनेछ।
सामोआले हाल २ खेलबाट अंक जोड्न सकेको छ। सामोआले बाँकी रहेका तीनवटै खेल (युएई, कतार, र नेपाल विरुद्ध) जितेमा उनीहरूको कुल अंक ६ पुग्छ।
नेपाल (६ अंक) भन्दा माथि पुग्ने एक मात्र टोली जापान हो, यदि उसले आफ्ना सबै तीन खेल जित्यो भने (८ अंक) हुने सम्भावना छ।
जापानले ८ अंक बनाउन सक्छ भने बाँकी रहेका टोलीहरू (युएई, सामोआ) अधिकतम ६ अंकमा पुग्न सक्छन्।
यदि नेपाल ६ अंकमै रह्यो र युएई तथा सामोआ पनि ६-६ अंकका साथ बराबरी भए भने नेपालको छनोट हुने वा नहुने निर्णय नेट रन रेट मा निर्भर गर्छ।
यदि नेपाल दुवै खेलमा ठूलो अन्तरले हार्यो र युएई वा सामोआ आफ्ना खेलहरू ठूलो अन्तरले जितेर मा नेपालभन्दा माथि पुगे भने नेपाल शीर्ष तीनबाट बाहिरिन सक्छ।
तर, नेपालको अहिले ६ अंकको बलियो स्थिति र सकारात्मक रन रेटका कारण बाँकी दुई खेल हारे पनि नेपाल छनोट हुने सम्भावना धेरै उच्च छ, किनभने तीनवटै टोली (जापान, युएई, सामोआ) ले आफ्ना सबै खेल जित्न असम्भव प्रायः हुन्छ।
1635339834.jpeg)
-1756794700.JPG)
-1746009348.jpg)
