राष्ट्रिय फुटबल टोलीका गोलरक्षक किरण चेम्जोङ मंगलबार भारतको आईलिगमा म्यान अफ दि म्याच घाेषित भएका छन्। यससँगै उनले २५ हजार भारु पनि प्राप्त गरेका छन्।
लिगअन्तर्गत उनी आबद्ध मिनरेभा पन्जाब र इस्ट बंगालको खेल २-२ को बराबरीमा टुंगिदा उनले उत्कृष्ट प्रदर्शन गरे। इस्ट बंगालले एकतर्फी आक्रमण गरेको खेलमा किरणले थुप्रै बचाउ गर्दै पेनाल्टी पनि बचाएका थिए।
मिनरेभाबाट किरणको यो दोस्रो खेल हो।
