यो सिजनको इंग्लिस प्रिमियर लिग आइतबार सकिएको छ।
अन्तिम दिन ९ खेल भए। जसमा लिग च्याम्पियन म्यानचेस्टर सिटी पराजित भयो। सिटीलाई अंक तालिकाको नवौं स्थानको ब्रेनफोर्डले १-० गोलले पराजित गर्यो।
यसअघि नै लिग च्याम्पियन बनिसकेको सिटी ८९ अंकमा सीमित बन्यो।
दोस्रो स्थानको आर्सनलले वुल्भ्समाथि ५-० गोलको जित निकाल्यो।
यस्तै चेल्सी र न्युकासलले १-१ गोलको बराबरी खेले। टोटेनहमलेले लिड्सलाई ४-१ गोलले हरायो।
लेस्टरले वेस्ट ह्यामलाई २-१ ले हराए पनि रेलिगेसन टार्न सकेन। सन् २०१५-१६ को लिग उपाधि जितेको ७ वर्षपछि लेस्टर रेलिगेसनमा परेको हो।
यता बर्नमाउथमाथि १-० गोलको जित निकाल्दै एभर्टन भने रेलिगेसनबाट जोगियो।
सिजनमा लेस्टरसँगै लिड्स र साउथह्याम्टन रेलिगेसनमा परे।
अन्तिम दिन अंक तालिकाको अन्तिम स्थानमा रहेको साउथह्याम्टनले लिभरपुलसँग ४-४ गोलको बराबरी खेल्यो। ६४ मिनेटसम्म ४-२ को अग्रता लिएर पनि साउथह्याम्टनले जित निकाल्न सकेन।
