इराकविरूद्ध इन्जुरी समयमा दुई गोल गर्दै जोर्डन एएफसी एसियन कपको अन्तिम आठमा पुगेको छ।
सोमबार कतारको खालिफा अन्तर्राष्ट्रिय रंगशालामा भएको खेलमा जोर्डनले ३-२ को जित निकालेर अन्तिम आठमा स्थान पक्का गरेको हो।
पहिलो हाफको इन्जुरी समयमा याजन अल नाइमतको गोलबाट जोर्डनले अग्रता लिएको थियो।
इराकका लागि साद नतिकले ६८ मिनेटमा बराबरी गोल गरे। अयमने हुसेनले ७६ मिनेटमा गोल गर्दै आफ्नो इराकलाई अग्रता दिलाए।
७७ मिनेटमा उनै हुसेन दोस्रो पहेँलो कार्ड पाउदै मैदान छाड्दा इराक १० खेलाडीमा सीमित बनेको थियो।
दोस्रो हाफको इन्जुरी समयको पाँचौ मिनेटमा जोर्डनका इजन अल अरबले बराबरी गोल फर्काउँद खेल २-२ को अवस्थामा पुगेको थियो।
एक मिनेछपछि जोर्डनका हाज्मा अल दारदौरले सिधा रातो कार्ड पाएका थिए। तर लगत्तै अर्को मिनेटमा नजर अल राश्दनले गोल गर्दा जोर्डनले ३-२ को अग्रता लियो।
