इंग्लिस प्रिमियर लिगको उपाधि होडमा आर्सनलको पुनरागमन भएको छ।
गएराति नोटम फरेस्टलाई हराउँदै आर्सनल उपाधिको प्रतिस्पर्धामा फर्किएको हो। ऊ ४६ अंक बनाएर अंकतालिकाको दोस्रो स्थानमा उक्लिएको छ। पहिलो स्थानमा रहेको लिभरपुलको ४८ अंक छ।
तेस्रो स्थानमा रहेको म्यानचेष्टर सिटी र चौथो स्थानमा रहेको एस्टन भिल्लाको समान ४३/४३ अंक छ।
यद्यपि, आर्सनलभन्दा लिभरपुलले १ खेल र सिटीले ई खेल कम खेलेका छन्। आर्सनलले २२ खेल खेल्दा लिभरपुलले २१ र सिटीले २० खेल मात्रै खेलका छन्। एस्टन भिल्लाले पनि २२ खेल खेलिसकेको छ।
गएरातिको खेलमा आर्सनलका ग्याब्रियल जिसस र बुकायो शाकाले गोल गरे। नोटम फरेस्टका टाइओ एवीनिइले एक गोल गर्दा आर्सनल २-१ गोलले विजयी भएको हो।
