युरोपियन च्याम्पियन्स लिग अन्तर्गतको क्वार्टरफाइनल 'ड्र' सार्वजनिक भएको छ। जस अनुसार अन्तिम ८ मा डिफेन्डिङ च्याम्पियन्स म्यानचेस्टर सिटीले स्पेनिस क्लब रियल म्याड्रिड सामना गर्ने भएको छ।
गत सिजनमा यी दुई टोली फाइनल प्रवेशका लागि आमनेसामने भएका थिए। जसमा सिटीले समग्रमा ५-१ ले नतिजा आफ्नो पक्षमा पार्दै फाइनल यात्रा सुनिश्चित गरेको थियो।
यस्तै आर्सनलले जर्मन क्लब बार्यन म्युनिखको सामना गर्दा स्पेनिस क्लब बार्सिलोना र फ्रेन्च क्लब पिएसजी आमनेसामने हुने छन्। अर्कोतर्फ जर्मन क्लब बोरुसिया डर्टमन्डले स्पेनिस क्लब एथ्लेटिको म्याड्रिडसँग प्रतिस्पर्धा गर्ने भएको छ।
सेमिफाइनलमा म्यान्चेस्टर सिटी र रियल म्याड्रिडबीचको विजेताले आर्सनल र बार्यन म्युनिखबिचको विजेतासँग खल्ने छ। यस्तै अर्को सेमिफाइनलमा पिएसजी र बार्सिलोनाकोबीचको विजेताले एथ्लेटिको मड्रिड र डर्टमन्डबीचको विजेतासँग खेल्ने छ।
फाइनल खेल इङ्ल्यान्डस्थित वेम्ब्ली स्टेडियममा हुने छ।
