स्पानिस ला लिगाअन्तर्गत सिजनको पहिलो दिनको दुवै खेल बराबरीमा सकिएका छन्।
बिहीबारदेखि सुरु भएको लिगको पहिलो दिन रियल बेटिस र जिरोना तथा एथ्लेटिक क्लब र गेटाफेले बराबरी खेलेका हुन्।
दुवै खेल एक एक गोलको बराबरीमा सकिए।
घरेलु मैदानमा रियल बेटिसले बर्ट्राको गोलबाट छैटौं मिनेटमा अग्रता लिए पनि जिरोनाका लागि ७२ मिनेटमा गाब्रियलले बराबरी गोल गरे।
यता २७ मिनेटमा ओइहानको गोलबाट अग्रता लिएको एथ्लेटिकविरुद्ध गेटाफेका उचेले ६४ मिनेटमा बराबरी गोल फर्काए।
