इंग्लिस प्रिमियर लिगमा म्यानचेस्टर सिटीले विजयी सुरूवात गरेको छ।
गएराति स्टामफोर्ड ब्रिजमा चेल्सीलाई २-० गोलले पराजित गर्दै लिगको साविक विजेता सिटीले सुखद सुरूवात गरेको हो।
सिटीको जितमा एर्लिङ हाल्याण्ड र माटेओ कोभासिकले गोल गरे।
१८ औं मिनेटमा हाल्याण्डले सानदार गोल गरे।
डोकुको पासलाई डिबक्सभित्र बर्नान्डो सिल्भाले हाल्याण्डलाई दिए। हाल्याण्डले चेल्सीका कुकुरेला र कोलविलाई छक्याउँदै बललाई जाली चुमाए।
दोस्रो हाफमा चेल्सी केही आक्रामक देखिएको थियो। तर ८४ औं मिनेटमा कोभासिकले गोल गर्दै अग्रता दोब्बर पारे।
कोभासिक चेल्सीकै पूर्वखेलाडी हुन्।
गएराति नै भएको अर्को खेलमा क्रिस्टल प्यालेसलाई ब्रेन्टफोर्डले २-१ गोलले पराजित गरेको थियो।
