इंग्लिस प्रिमियर लिगमा साविक विजेता म्यानचेस्टर सिटीका स्ट्राइकर अर्लिङ हाल्यान्डको उत्कृष्ट फर्म जारी छ।
उनले शनिबार राति अर्को ह्याट्रिक गरेका हुन्।
जारी सिजनमा लगातार दोस्रो ह्याट्रिक गर्ने क्रममा उनले वेस्ट ह्यामविरुद्ध उत्कृष्ट प्रदर्शन गरे।
पहिलो हाफमा दुई गोल गर्ने क्रममा उनले १० र ३० मिनेटमा गोल गर्दै सिटीलाई अघि बढाए।
त्यसअघि १९ मिनेटमा सिटीका रुबेन डियासले आत्मघाती गोल गरेका थिए।
हाल्यान्डले ८३ मिनेटमा ह्याट्रिक पूरा गर्दा सिटी ३-१ गोलले अघि रहँदै जिततर्फ अघि बढेको थियो। उनले अघिल्लो खेलमा इस्पिच विरुद्ध ह्याट्रिक गरेका थिए।
जारी सिजनमा उनले तीन खेलमा सात गोल गरिसकेका छन्।
सिटीले पनि तीनै खेलमा जित निकालेको छ भने अंक तालिकाको शीर्ष स्थानमा छ।
सिटीका लागि हाल्यान्डले एघारौँ ह्याट्रिक गरेका हुन्। उनले अहिलेसम्म सिटीबाट ६९ खेल खेल्दै ७० गोल गरिसकेका छन्।
