एन्फा महिला लिगमा कोशी प्रदेशको जितको यात्रामा पूर्णविराम लागेको छ।
बुधबार भएको खेलमा कोशीमाथि नेपाल पुलिस क्लबले ४-० गोलले पराजित गर्यो।
पुलिसको जितमा अनुस्का शेर्पाले २४ मिनेटमा पहिलो गोल गरिन्।
४६ मिनेटमा निर्मला उपाध्यायले अग्रता दोब्बर पार्दा ८० मिनेटमा सम्झना लवतीले तेस्रो गोल गर्न सफल भइन्।
८८ मिनेटमा पुलिसका लागि अमृता जैशीले चौथो गोल गरेकी थिइन्।
यसअघि कोशीले लगातार तीन खेलमा जित निकालेको थियो।
पुलिसले भने यसअघि तीन मध्ये दुई खेलमा जित र एक खेलमा बराबरी खेलेको थियो। आजको जितसँगै पुलिस १० अंकसहित शीर्ष स्थानमा उक्लिएको छ।
