युरोपियन च्याम्पियन्स लिगमा इंग्लिस क्लब आर्सनल र जर्मन क्लब बायर्न म्युनिखले आफ्नो रवाफ कायमै राखेका छन्।
मंगलबार राति भएका खेलमा जित निकालेका दुवै क्लबले यो सिजन सुरुवाती चार खेलमा शतप्रतिशत जितको यात्रा कायम राखेका हुन्।
आर्सनलले स्लाभिया प्रागमाथि ३-० को जित निकालेर लगातार चार खेलमा जित हात पार्यो।
प्रागको मैदानमा आर्सनलका लागि बुकायो साकाले ३२ मिनेटमा पेनाल्टीबाट गोल गर्दा मिकेल मेरिनोले ४६ र ६८ मिनेटमा गरी दुई गोल गरे।
यता जर्मन क्लब बायर्नले फ्रेञ्च च्याम्पियन पिएसजीमाथि २-१ गोलको जित निकालेको छ।
दोस्रो हाफमा पूरा १० खेलाडीमा खेल्नुका बावजुद बायर्नले जित निकाल्दै लगातार चार खेलमा विजयी भयो। उसकf लागि दुवै गोल डियाजले गरेका थिए। उनले चौथो र ३२ मिनेटमा गोल गरेका थिए। तर उनै डियाज पहिलो हाफको इन्जुरी समयको अन्त्यतिर रातो कार्ड खादै बाहिरिए।
पिएसजीका लागि घरेलु मैदानमा नेभेसले ७१ मिनेटमा गरेको गोल सान्त्वनामा सीमित बन्यो।
यता रियल म्याड्रिडमाथि लिभरपुलले १-० गोलको जित निकालेको छ। लिभरपुलको जितमा एलिस्टरले ६१ मिनेटमा गरेको गोल निर्णायक सावित बन्यो।
लिगमा बार्यन १२ अंक जोड्दै शीर्ष स्थानमा छ। दोस्रो स्थानको आर्सनलको पनि १२ अंक नै छ। पिएसजी, इन्टर मिलान, रियल म्याड्रिड र लिभरपुलको ९-९ अंक छ।
-1746009348.jpg)
