सेन्ट्रल एसियन भलिबल एसोसिएसन (काभा) यु–२० च्याम्पियनसिपमा नेपालले दोस्रो जित निकालेको छ।
मंगलबार नेपालले माल्दिभ्सलाई ३-० को सोझो सेटमा पराजित गरेको हो।
पहिलो सेट २५-५ ले सहज रुपमा जितेको नेपालले दोस्रो सेट २५-१२ र तेस्रो सेट २५-२० ले आफ्नो पक्षमा पार्यो।
यसअघि नेपालले दुई खेल खेल्दा एक खेलमा जित र एक खेलमा पराजय भोगेको छ।
आइतबार नेपालले आयोजक श्रीलंकाविरुद्ध ३–० को सोझो सेटमा जित निकालेको थियो। यद्यपी सोमबार नेपालमाथि उज्वेकिस्तानले ३-१ को जित हात पारेको थियो।
अब नेपालले पर्सी बिहीबार कीर्गिस्तान र अन्तिम खेलमा शुक्रबार तुर्कमिस्तानसँग खेल्नेछ।
