विश्वकै कान्छा निर्देशक सौगात बिष्ट निर्देशित दोस्रो फिल्म ‘हैरान’ जेष्ठ ४ गते रिलीज हुने भएको छ । फिल्मलाई उपत्यका भित्र माधव वाग्लेको पपकर्न पिक्चर्स र उपत्यका बाहिर मनोज राठीले वितरण गर्ने सम्झौता भएको जानकारी कार्यकारी निर्माता सम्झना पोख्रेलले दिइन् ।
सौगातले 'लभ यू बाबा' फिल्म निर्देशन गरेर विश्वका कान्छा फिचर फिल्म निर्देशकको रेकर्ड गिनिज बुक अफ वर्ल्ड रेकड्समा दर्ता गराएका थिए।
कमेडी फिल्ममा गजित बिष्ट, सत्यराज आचार्य, सरोज खनाल, मोहमद वसिम राजा, बुद्धि तामाङ, निश्मा घिमिरे, आरोही शर्मा, पुष्कर रेग्मी, सागर लम्साल, एन्जल राई लगायतका कलाकारले मुख्य अभिनय रहेको छ ।
सिनेमामा कथा तथा कोरियोग्राफी गम्भीर बिष्ट , द्वन्द चन्द्र पन्त , संगीत सत्यराज आचार्य, स्वरूपराज आचार्य ,किरण कडेल , राजन इशान र सन्तोष श्रेष्ठ रहेको छ । सिनेमामा नवराज उप्रेती र निरज कडेलको छायाँकन , अमित श्रेष्ठको मिक्सिङ र ब्याक ग्राउण्ड स्कोर , अनन्त घिमिरेको कलर र भीएफएक्स , प्रितम पाण्डेको सम्पादन रहेको छ ।
