पहिलो गीत 'तीनपाते' बाट धेरैकाे मन जितेका गायक तथा संगीतकार सुजन चापागाईंको दोस्रो गीत 'गाला पुक्क' सार्वजनिक भएको छ।
प्रेममा परेका जोडीबीच हुने घुर्की र मायाका कुरालाई यो गीतमा रमाइलोसँग देखाइएको छ। सुजनका अनुसार, यो गीतमा उनले तीन वर्ष अघि नै संगीत भरेका थिए। यो उनको जीवनकैपहिलो गीत पनि हो। गीतलाई फ्युजन शैलीमा शास्त्रीय सङ्गीत र आधुनिक पप सङ्गीत मिश्रण गरेर फरक स्वाद दिन खोजिएको छ।
युवा पुस्ता लक्षित यो गीतको शब्द शैलेश गिरिले लेखेका हुन। गीतको संगीत संयोजन र ध्वनि मिश्रण शार्दुल श्रेष्ठले गर्नुभएको हो। गीतमा देखाइएको भिडियो एनिमेसन र रङ्ग संयोजन ग्रफिक्स सुदिप पाण्डेको छ।
