तीजको अवसर पारेर यही भदौ २१ गते रिलिज हुन लागेको फिल्म 'रावायण' को ट्रेलर सार्वजनिक भएको छ।
बिहीबार काठमाडौंमा एक कार्यक्रमकाबीच सार्वजनिक ट्रेलरमा द्वन्द्वका दृश्यलाई प्राथमिकता दिइएको छ।
अभिनेता पल शाहको संवादसँगै ट्रेलर सुरू हुन्छ– 'आज एउटा प्रेमको इतिहास कोरिन्छ। या त रावायण दोहोरिन्छ। या त रावायण लेखिन्छ।'
ट्रेलरमा पलको एक्सनलाई प्राथमिकता दिइएको छ। पलले यसमा पोजेटिभ र नेगेटिभ गरी दुइटा चरित्र निर्वाह गरेका छन्।एकआपसको द्वन्द्वलाई पनि ट्रेलरमा देख्न सकिन्छ।
फिल्ममा अभिनेत्री पूजा शर्मा टेलिभिजन पत्रकारको भूमिकामा देखिएकी छन्।
सुदर्शन थापाको निर्देशन रहेको यो फिल्ममा पल र पूजाका साथमा प्रियंका कार्की, प्रमोद अग्रहरी, प्रकाश शाह, अर्जुनजंग शाही, शर्मीला मल्ल, निकिता चण्डक लगायतको अभिनय छ।
सुदर्शन थापा प्रोडक्सन र पूजा शर्मा प्रोडक्सनको संयुक्त ब्यानरमा फिल्म बनेको हो। यसको निर्माता पूजा शर्मा हुन्। सुशन पाठक कार्यकारी निर्माता छन्।
सुदर्शन थापाको कथा, शिवम अधिकारीको लेखन रहेको फिल्ममा सौरभ लामाको छायांकन, श्री श्रेष्ठको एक्सन, मिलन श्रेष्ठको सम्पादन छ। यसअघि फिल्मको टिजर र गीत सार्वजनिक भइसकेको छ।
ट्रेलर
