बलिउड अभिनेता अक्षय कुमार र कार्तिक आर्यन एकै फिल्ममा देखिने चर्चा चलेको छ।
उनीहरू हालै निर्देशक मुदस्सर अजीजको घरमा एकसाथ देखिएका थिए। उनीहरू एकसाथ निर्देशकको घरमा देखिएपछि फिल्ममा पनि एकसाथ देखिन लागेको चर्चा चलेको हो। तर यस बारेमा निर्माण टिमले केही खुलासा गरेका छैनन्।
अक्षय कुमारले 'भूल भुलैया' मा रूह बाबाको भूमिका निर्वाह गरेका थिए। दर्शकले उनको अभिनयलाई रूचाएका थिए। यसपछि 'भूल भुलैया २' मा कार्तिक आर्यनले रूह बाबाको भूमिका निर्वाह गरेका थिए। उनको अभिनयलाई पनि दर्शकले निकै रूचाएका थिए।
निर्देशक मुदस्सर अजीजले दुवै अभिनेतासँग काम गरिसकेका छन्। उनले अक्षयसँग 'खेल खेल में' काम गरेका थिए भने कार्तिकसँग 'पति पत्नी और वो' मा काम गरेका थिए।
