दक्षिण भारतीय फिल्म 'कंगुवा' को ट्रेलर सार्वजनिक भएको छ।
सोमबार सारेगम तमिल युट्युब च्यानलमार्फत फिल्मको ट्रेलर सार्वजनिक गरिएको हो। सार्वजनिक ट्रेलरमा सुर्या र बबी देओलको भिडन्त देख्न सकिन्छ।
बबी देओललाई खुंखार भिलेन अवतारमा देखाइएको छ। फिल्ममा उनी अबरार पात्रको भूमिकामा देखिनेछन्। उनको १५ देखि २० मिनेटको भूमिका रहेको बताइएको छ।
शिवले निर्देशन गरेको फिल्ममा सुर्या र बबीसँगै दिशा पाटनी, योगी बाबू, प्रकाश राज, जगपति बाबुको मुख्य भूमिका छ। फिल्मलाई निशद युसुफले छायांकन गरेका हुन्।
यो फिल्म ३८ भाषामा अक्टोबर १० देखि प्रदर्शन गरिने छ।
