श्रीराम पौडेल र समीक्षा अधिकारीको स्वरमा 'ठेकी मदानी' बोलको गीत सार्वजनिक भएको छ।
शुक्रबार बेलुका युट्युबमा रिलिज गीतको भिडिओमा गायक पौडेल स्वयंका साथमा मोडल आयुष्मा कार्कीको अभिनय तथा नृत्य छ।
दीपक संगम बिसीको संगीत संयोजनमा रेकर्ड भएको गीतको शब्द तथा संगीत सुमन शर्मा मनगैंयाको हो।
श्रीराम पौडेलको यो गायनका हिसाबले पहिलो गीत हो। लामो समयदेखि शैक्षिक परामर्शको क्षेत्रमा सक्रिय उनले यसअघि केही म्युजिक भिडिओमा अभिनय गरेका थिए।
'ठेकी मदानी' को भिडिओ निर्देशन देबेन्द्र कुवँरले गरेका हुन्। अजय रेग्मीको छायांकन रहेको भिडिओमा मिलन विश्वकर्माको सम्पादन छ।
गीतका गायक तथा मोडल श्रीराम पौडेलले अन्य केही गीत समेत ल्याउने तयारी गरेका छन्।
पञ्चेबाजा र कौरा गीत रेकर्ड भइसकेको र छिट्टै सार्वजनिक हुने उनले बताए।
भिडिओः
