गायक गोविन्द मधुर आचार्यले आफ्नो गीत 'एकदिन उज्यालो छाउला' को म्युजिक भिडिओ निर्माण गरेर सार्वजनिक गरेका छन्।
एक वर्षपछि लिप्सिङ भिडिओसहित सार्वजनिक गीतलाई स्रोताहरूले रूचाएका थिए। उक्त गीत टिकटकमा समेत निकै चर्चामा आएको थियो।
एक वर्षपछि सोही गीतको भिडिओ बनाएर गोविन्दले आफ्नै युट्युब च्यानलमार्फत सार्वजनिक गरेका हुन्।
गीतमा गोविन्दको संगीत, स्वर र एरेन्ज छ। शब्द दिनेश अधिकारी र उनले मिलेर लेखेका हुन्।
सार्वजनिक भिडिओमा सुशान्त कार्की, लक्ष्मी बर्देवा, विराट योगी लगायतको अभिनय छ।
भिडिओमा बीनागल्ती श्रीमतीबाट दोष खेपिरहेको श्रीमानको कथा देखाइएको छ। एकदिन आफ्नो पनि राम्रो दिन आउने कुरा गीतमा गरिएको छ।
भिडिओलाई विक्रम चौहानले निर्देशन गरेका हुन्। यसमा महेश महराको छायांकन, मिलन विश्वकर्माको सम्पादन छ।
भिडिओ शुक्रबार सार्वजनिक भएको हो।
भिडिओः
