काठमाडौं महानगरपालिकाको वडा नम्बर ३१ मा नेकपा एमाले विजयी भएको छ।
निर्वाचन आयोगका अनुसार वडा नम्बर ३१ मा एमाले उम्मेदवार सरोज ढकालले ४७६७ मत ल्याएर वडाध्यक्ष पदमा विजय हासिल गरेका हुन्।
उनले नेपाली कांग्रेसका रवीन्द्र विक्रम रानालाई पराजित गरेका हुन्। रानाले २९९१ मत ल्याएका छन्।
काठमाडौंमा अहिलेसम्म नतिजा आएकामध्ये एमाले १, २, ३, ४, ५ ३१, र ३२ नम्बर गरी ७ वटा वडामा जितेको छ।
कांग्रेसले भने वडा नम्बर २७, ६, ८, २८, २९ र ३० गरी ६ वटा वडामा जितेको छ।
अहिले ७, ९, १०, ११, २४, २५ र २६ वडामा मतगणना जारी छ।
